كتكوت ساسو تسمين

**متوسط تكلفه المشروع 30000ج و الاسعار متغيره حسب البورصه

** دوره راس المال 55 يوم 

**مشروع تسمين الكتكوت الساسو مشروع جميل و مش محتاج مجهود ووقت كتير 

كل اللي مطلوب من حضرتك 

1/مكان مناسب 

و دا اهم حاجه و بيترتب عليها شغلك كله لان تظبيط التهويه و التدفئه عامل مهم جدا ف صحه و سلامه الكتاكيت ع مدار الدوره 

2/ التفرغ علي الاقل 4 ساعات يوميا للتأكيل و المتابعه و النظافه 

3/المبلغ اللي هيتحط في المشروع يكون زائد عن احتياجك لان مش هتيجي جمبو ع الاقل 6 شهور

4/المتابعه الجيده و النظافه الدوريه للطير و النظافه الدوريه للمكان و المستلزمات من اهم عوامل النجاح في المجال 

5/التعامل مع مكان او حد بيطري ثقه في الكتكوت و العلف و التحصينات و تتابع معاه الدوره كلها 

و اياك ثم اياك مع اول مشكله تقابلك تلف ع اماكن مختلفه و تسمع اراء مختلفه و تاخد ادويه مختلفه

عشان هتتشتت و المشكله هتزيد و الدوره هتبوظ منك طالما اتعاملت مع حد ثقه كمل معاه لاخر

الدوره و لو حبيت تتعامل مع حد تاني ك بيطري يعني يبقي الدوره اللي بعدها

مع الوقت لما تاخد خبره انت اللي هتبقي دكتور ل مزرعتك 

**بالنسبه للمشروع تقدر تبدأ علي حسب مساحه مكانك و امكانياتك من اول 100 كتكوت دا لو ك نشاط تجاري اضافي جمب شغلك و كحد متفرغ يستحسن مش اقل من 500 كتكوت 

**بالنسبه للتربيه ف منها الارضي او علي بطاريات و بالنسبه للمبتدأين يفضل الارضي عشان التكلفه

** تجهيز المكان المناسب من مستلزمات التدفئه و التهويه و العلافات و المساقي و النشاره او الارضيات البلاستيك لازم كل دا يتعمل قبل استقبال الكتكوت 

** تطهير و تعقيم مكان التربيه بين كل دوره و التانيه ضروري جدا 

** و اخيرا ارباح الدوره ممكن توصل 40% و برضه ممكن تلم فلوسك بالعافيه ف احنا لما بنيجي نقيم ب نجمع نتايج 3 دورات و نشوف النتيجه النهائيه عشان نقرر نكمل ونتوسع ولا لا